thodha thakki,
adhjagi,adhsoyi,
idhar udhar,
kuch dhoondhti,
uljhano mein khoi.
ek raat,ek roz,
kuch yun,
mere kamre mein roi,
na keheti kuch,
na chup bhi reheti.
sugbughatein,kabhi
to kabhi siskiyan.
kuch kehene ki chhah,
par vedna ki bediyan.
kuch kabhi sochti,
fir soch se vo joojhti.
moond aankh ko,
sheesh haath mein dabochti.
pair chhati me simate,
vo nayanno se lad padi.
baandh jo toota magar,
to chandni bhi bhe gayi
namak neer ho gaya.
megh bhi bifar pada,
raat ki karuna mein vo,
toot ke baras pada.
zaar zaar vo hui,
taar taar vo hui.
aansu aansu chhan gaye,
os os ban gaye.
kuch is tarah giri nisha,
ke gir ke jo bhikhar gayi.
lalima prabhat ki  bhi,
 aur surkh ho gayi.