udne ki chhah mein,
har roz hi girna,
fir uthna,sambhalna,
aur aage badhna.
toote pankhon ka faila yahan ambaar dekhkar,
mein thak gaya hoon ab khawab dekhkar.
syahi me ghulti umr sari,
goongi kitabon me simattii duniya hamari.
chhoote gaye mujhse bahut se mere apne.
hoti lambi unki,
 har roz, kataar dekhkar
mein thak gaya hoon ab khawab dekhkar.
sookhe patton si zindgi,
aur mashaalon sa dil.
uthte yahan dhunye ke roz gubaar,
bas yahi nazara,
 harbar dekhkar.
mein thak gaya hoon ab khawab dekhkar